HStAOrient5a: 46r

erbāʿ‑i s̱elās̱esi dėrler. Allāhu aʿlam. Dāʾire‑i s̱ālis̱e daḫı arż‑i maʿmūre // gibi iki şaqq olub bir qıṭʿası şarqī ve bir qıṭʿası ġarbī // olur. Ve dāʾire‑i ūlā ile dāʾire‑i s̱ālis̱e mā‑beyninde vāqiʿ olan // noqṭa‑i ṭeqāṭuʿaʾi qubbe-i arż dėrler. Ve arż-i maʿmūrenüñ ʿarżı // ıṣṭılāḥ‑i heyevī üzre altmış altı derecedür. Ve ehl‑i // mesāḥat ıṣṭılāḥınca biñ dörtyüz altmış fersaḫdur [ve s̱ülüs̱‑i fersaḫdur]. Zīrā // bu dāʾire‑i ʿaẓīme üçyüz altmış dereceye taqsīm olınmışdur [ve is̱bāt olınmışdur] ki saṭḥ-i arż // üzre mefrūż olan dāʾire‑i ʿaẓīmenüñ her derecesi // yigirmi iki fersaḫ ve bir fersaḫuñ ṭoquz bölükde iki bölügidür. // Pes derece‑i vāḥidenüñ ʿadd ve fersaḫı altmış altıya żarb olınsa // ehl‑i mesāḥat dėdügi ki ḥāṣıl olur. Ammā [her] derece yigirmi iki // fersaḫdan ziyāde olduġınuñ ṭarīq‑i ʿilmī budur ki ehl‑i raṣad // quṭb-i şimālīnüñ bir mevżıʿında irtifāʿın almışlar. Baʿdehū şimāl // cānibine ḫaṭṭ‑i nıṣf‑i nehār üstine bir niçe mesāfet gitmişler // ḥattā quṭb-i şimālīnüñ irtifāʿı evvelden ziyāde olmış. Pes // ol mevżıʿayn mā‑beyninde olan mesāfeyi mesḥ ėtmişler. // Dėdükleri miqdār üzre bulmışlar. Allāhu aʿlam Ve ṭūl‑i ʿimāret // yüz seksen derecedür mesāḥat ile dört biñ fersaḫ olur. // Baʿdehū arż-i maʿmūreyi ḫaṭṭ-i istivāya mühāẕī [!] ṭūlen yedi qıṭʿaya

Marginal note (1) in Orient 5a, fol. 46r, left:

Ve maʿlūm ola ki aqālīm‑i sebʿeanuñ // her birisinde kevākib‑i sebʿanuñ birisi // her birinde [?] olmışdur. Her iqlīm // ehālīsinüñ ṭabāyiʿi ol // kevkebüñ ṭabīʿatına tābiʿdür. // İqlīm‑i evvel Züḥala mensūbdur. // Ḫalāʾiqinüñ eks̱eri qurrālardur. // İkinci Müşterīye mensūbdur // dördinci āftāba müteʿalliqdür. // Bu iqlīmde olan aʿdel‑i // nāsdur eks̱eri ʿAcem şehrleridür // ve ġarb maʿmūreleridür ki // menşeʾ‑i enbiyā ve evliyādur. // Beşinci Zühreye mensūbdur // altıncı ʿUṭāride mensūbdur. // Ḫorāsān ve Buḫārā ve Ḫvārezm // bundadur. Yedinci qamere mensūbdur // çün beyān olındı ki eflāk // ve kevākib ve arż ve deryālar // küllīyen yedişerdür. Lā‑cerem rubʿ‑i // meskūnda olan Benī Ādem // daḫı yedi ṭāʾifedür. Her birisi // iqlīm‑i sebʿanuñ baʿżısında muqīmdür // mes̱elā Çīn ve Türk ve Rūm

// ve ʿArab ve Fārs ve Hind ve Ḥabeş // gibi. Min lehū.